emoji_events

Meday yo

Lè ou reyalize yon bagay espesyal, ou jwenn yon meday. Chak meday ou ganye pèmèt ou jwenn pwen epi rete sou pwofil ou pou toujou.

Kisa yon meday ye ?

Meday yo se rekonpans pou moman espesifik nan vwayaj ou sou Tripotay, pa sèlman pou akimile pwen. Premye pòs, 7 jou konsekitif, yon pòs ki vin viral... Chak meday gen pwòp istwa li.

Depi ou genyen li, li rete sou kont ou. Pèsòn pa ka retire li. Ou ka epengle jiska 3 meday pou yo parèt sou pwofil ou, chwazi inikman sa ki reprezante ou pi byen.

4 nivo prestijye

Meday prestijye yo montre koman li difisil pou jwenn yo. Plis ou pran tan pou genyen li, se plis li prestijye.

circle Rapid

60–80% itilizatè aktif yo ka jwenn yo. Bon pou kòmanse.

circle Pa rapid

20–40% itilizatè aktif yo. Li mande plis ankajman.

circle Prestijye

5–15% itilizatè aktif yo. Pa genyen yo fasilman. Li eaple'w kisa ou te reyisi.

circle Trè prestijye

1–3% sèlman. Somè. Si ou gen youn, ou nan yon klas apa, espesyal.

Meday Kontni

Ou resevwa yo lè ou pibliye ak lè pòs ou yo resevwa vòt.

edit_note

Premye Pa +5 pwen

Pibliye premye pòs ou

Premye pòs se toujou pi difisil. Depi ou fè li, ebyen se yon gran vwayaj ki kòmanse pou ou. Bon vwayaj!

chat_bubble_outline

Premye Mo +2 pwen

Ekri premye kòmantè ou

Ou te pran la pawòl. Yon kòmantè ka chanje yon diskisyon, ouvri yon pèspektiv nèf, oswa jis fè yon moun souri.

local_fire_department

Difé Pay +10 pwen

Resevwa 10 vòt pozitif sou yon sèl pòs

10 moun te vote pou ou sou yon sèl pòs. Sa vle di ou te di yon bagay ki te rezone, ebyen kontinye konsa.

star

Zetwal Montant +25 pwen

Resevwa 50 vòt pozitif sou yon sèl pòs

50 vòt sou yon pòs. Se pa yon mirak, ou se yon kontribitè serye. E kominote a remake sa.

trending_up

Viral +50 pwen

Resevwa 200 vòt pozitif sou yon sèl pòs

200 vòt. Pòs sa a te fè gro bri. Ou te touche yon kòd sansib nan kominote a, sa pa rive souvan, men yon fwa se ase pou kite mak ou.

bolt

Fenomèn +100 pwen

Resevwa 1000 vòt pozitif sou yon sèl pòs

1 000 vòt sou yon sèl pòs. Pa gen anpil moun ki rive la. Ou se yon fenomèn nan fè Tripotay😁.

auto_awesome

Plim Lò +75 pwen

Gen 10 pòs ak yon skò 50+

10 pòs e chak depase 50 vòt. Se pa yon kout chans, se te solid. Ou ekri ak plim an ò.

menu_book

Ansiklopedi +50 pwen

Pibliye 100 pòs

100 pòs pibliye. Ou bati yon eritaj. Chak pòs se yon brik nan kominote a.

directions_run

Maratonyen +100 pwen

Pibliye 500 pòs

500 pòs. Maratonien, se pa sprint. Ou pwouve ke ou la pou rete, pa jis pou yon jou.

Meday Patisipasyon

Ou resevwa yo lè ou konekte regilyèman ak lè ou konplete pwofil ou.

waving_hand

Byenveni +5 pwen

Konplete pwofil ou (foto ak bio)

Foto + bio. Ou pa jis yon ti non jwèt, ou se yon moun reyèl. Sa fè yon gwo diferans nan bati konfyans nan kominote a.

calendar_today

Asidi +10 pwen

Konekte 7 jou konsekitif

7 jou konsekitif. Yon semèn san rate. Sa se abitid kap fòme. Bravo pou disiplin ou.

event_available

Fidèl +25 pwen

Konekte 30 jou konsekitif

30 jou konsekitif. Yon mwa antye. Ou pa jis yon vizitè, ou se yon pyès nan fabrik Tripotay la.

military_tech

Veteran +100 pwen

Konekte 365 jou konsekitif

365 jou san kanpe. Yon ane antye. Moun ki rive la yo se kolòn vètebral kominote a, yo la menm lè bagay yo pa fasil.

cake

Anivèsè +50 pwen

Manm depi 1 an

Yon ane depi ou te kreye kont ou. Yon anivèsè Tripotay. Ou fè pati istwa ki kòmanse a.

architecture

Pilye +150 pwen

Manm depi 3 an

3 ane. Tripotay grandi avèk ou. Ou se yon pilye, yon baz solid e kominote a ka konte sou ou.

Plis meday ap vini...
Meday sosyal (Èd, Gid, Mentor...), meday Tips (Jenerè, Filantwòp...) ak plen lòt nou genyen pou'n ajoute plita.

← Nivo ak Pwen Kòmanse gratis